Skandapurāṇa Adhyāya 112: R and A recensions, sub-chapter 3

E-text generated on July 20, 2022 from the original TeX files of: Bisschop, Peter C. and Yuko Yokochi, eds. The Skandapurāṇa. Vol. V. Adhyāyas 96-112. The Varāha Cycle and the Andhaka Cycle Continued. Critical Edition with an Introduction & Annotated English Synopsis, in cooperation with Sanne Dokter-Mersch and Judit Törzsök. Leiden: Brill, 2021. (SP V) https://brill.com/view/title/59532

SPra112.3.0010: sanatkumāra uvāca|
SPra112.3.0011: tataḥ śubhāvatī nāma merukanyā sumadhyamā|
SPra112.3.0012: uvāca himavatputrīṃ darśayantī śubhaṃ vanam|| 1||
SPra112.3.0020: śubhāvatyuvāca|
SPra112.3.0021: idaṃ parvatakanye tvaṃ paśya kelikalāśubham|
SPra112.3.0022: vanaṃ sarvartusaṃpannaṃ yathā vidvatsubhāṣitam|| 2||
SPra112.3.0031: ayaṃ prapātaḥ sumahānparvatasyāsya śobhate|
SPra112.3.0032: viduṣāmarthakṛtyeṣu yathā yuktaṃ prabhāṣitam|| 3||
SPra112.3.0041: eṣa svarṇopalo bhāti gireḥ śikhara uttamaḥ|
SPra112.3.0042: Dagnote yathā lakṣaṇavidvāṃsaṃ yukto yaścendra ityapi†|| 4||
SPra112.3.0051: ayaṃ ca maṇimānnityaṃ śilāgraḥ pratibhāsvaraḥ|
SPra112.3.0052: bhāti udyannivādityaḥ udayastho mahāyuge|| 5||
SPra112.3.0061: ayaṃ vaidūryaśikhara indranīlatalopalaḥ|
SPra112.3.0062: bhāti śarvāṇi Dagnote śubhrāṇi sthaleśvara† ivopari|| 6||
SPra112.3.0071: ayaṃ gajottamo mattaḥ kareṇubhirapāvṛtaḥ|
SPra112.3.0072: apsarogaṇamadhyastho devarāḍiva parvate|| 7||
SPra112.3.0081: ayaṃ Dagnotes gajo gajenaiva†s sumahānparvatottamaḥ|
SPra112.3.0082: ito yānto divi Dagnotes camāṃ†s diggaje ca yathā suraḥ|| 8||
SPra112.3.0091: paśyāmaścaiva lapsyāmaḥ pradīpamiva saṃsthitam|
SPra112.3.0092: aśokaṃ himavatputri pallavairupaśobhitam|| 9||
SPra112.3.0101: bālāruṇanibho hyeṣa vāyunābhipariplutaḥ|
SPra112.3.0102: kṛtvātrāñjalayaḥ subhru pallavaiḥ śirasā nataḥ|| 10||
SPra112.3.0111: aho 'sya rūpaṃ paśyemaṃ vanarājiyutaṃ śubhe|
SPra112.3.0112: yauvarājye 'bhiṣiktaṃ vai jayantamiva cāmaraiḥ|| 11||
SPra112.3.0121: pādapaireva śarvāṇi paśyainaṃ karapallavaiḥ|
SPra112.3.0122: mātuḥ samīpe nṛtyantaṃ śiśuṃ priyamivaurasam|| 12||
SPra112.3.0131: manye priyāvāsamimaṃ devatāyā vanasya ha|
SPra112.3.0132: atīva dīpyate śobhā nedṛśīṃ dṛṣṭavatyaham|| 13||
SPra112.3.0140: sanatkumāra uvāca|
SPra112.3.0141: tasyāstadvacanaṃ śrutvā śubhāvatyā gireḥ sutā|
SPra112.3.0142: nirīkṣya taṃ taruṃ samyagghimavattanayāvyayā|
SPra112.3.0143: manasā cintayāmāsa putro 'yaṃ mama pādapaḥ|| 14||
SPra112.3.0151: āgate punareveha devadeve adhiṣṭhite|
SPra112.3.0152: imaṃ tenābhyanujñātā grahīṣye pādapaṃ sutam|| 15||
SPra112.3.0161: mamaivāyamaputrāyā bhavitā pādapottamaḥ|
SPra112.3.0162: putraḥ putravatāṃ śreṣṭhaḥ putraśokavināśanaḥ|| 16||
SPra112.3.0170: sanatkumāra uvāca|
SPra112.3.0171: sā viniścitya tu tadā pādapaṃ prati śobhanā|
SPra112.3.0172: anyaṃ deśaṃ parikramya imaṃ tatrābhipaśyata|| 17||
SPra112.3.0181: śikharaṃ parvatendrasya apatadvyasanaṃ vinā|
SPra112.3.0182: pādapāśca vinā vātamunmūlāḥ saṃbabhūvire|| 18||
SPra112.3.0191: ulkāḥ patanti cākāśādvavau vāyuraśobhanaḥ|
SPra112.3.0192: akṣi sadyo 'sphuraddevyā dakṣiṇaṃ kālinandana|| 19||
SPra112.3.0201: tāndṛṣṭvā vismitaṃ devī śailādimidamabravīt|
SPra112.3.0202: sakhyaśca sarvāḥ kāleya idaṃ vacanakovidā|| 20||
SPra112.3.0210: devyuvāca|
SPra112.3.0211: pramatto bhāti śailaśca sarvaistairvṛkṣasaṃyutaḥ|
SPra112.3.0212: bhayaṃ mahadidaṃ manye naitadākasmikaṃ smṛtam|| 21||
SPra112.3.0221: nādyānimittamutpātā bhavantyete durāsadāḥ|
SPra112.3.0222: tathā kuru yathā me no bhayaṃ yacchantyaśobhanāḥ|| 22||
SPra112.3.0230: nandyuvāca|
SPra112.3.0231: śivā hyete mahāvīrā lokapālopamā iti|
SPra112.3.0232: kuto bhayaṃ tava śubhe yasyā bhartā vṛṣadhvajaḥ|| 23||
SPra112.3.0241: yataḥ sarvaṃ jagat Dagnotes sarvaṃ dānavānāmapaśyata†s |
SPra112.3.0242: kuto bhayaṃ bhavāni tvaṃ mātāsi tridivaukasām|| 24||
SPra112.3.0250: sanatkumāra uvāca|
SPra112.3.0251: tasyaivaṃvadato vyāsa devīṃ viśvasya mātaram|
SPra112.3.0252: andhako nāma daityendraḥ pātālānmandaraṃ yayau|| 25||
SPra112.3.0261: sa daityānāṃ śatenaiva variṣṭhānāṃ mahāsuraḥ|
SPra112.3.0262: āgato mandaraṃ draṣṭuṃ yathendro nandanaṃ vanam|| 26||
SPra112.3.0271: prahlādaścānuhlādaśca śibirbāṣkalireva ca|
SPra112.3.0272: kuṇḍastukuṇḍo vātāpī balirbāṇo virocanaḥ|| 27||
SPra112.3.0281: ilvalo namucirvyaṃso vipracittirmahāsuraḥ|
SPra112.3.0282: sundo nisundo narako dhenuko 'riṣṭa eva ca|| 28||
SPra112.3.0291: muraḥ kārtasvanaścaiva hastī duryodhano mayaḥ|
SPra112.3.0292: tārakastārakākṣaśca vidyunmālī prabhākaraḥ|| 29||
SPra112.3.0301: hālāhalaśca kumbhaśca śambaraḥ kālaśambaraḥ|
SPra112.3.0302: dhundhustathendradamano hayagrīvaḥ śatodaraḥ|| 30||
SPra112.3.0311: meghanādaḥ siṃhanādo dundubhiḥ śatadundubhiḥ|
SPra112.3.0312: kālanemirbako daṇḍo vipākaḥ pāka eva ca|| 31||
SPra112.3.0321: vṛṣaparvā śatāvartaḥ pulomā śarabhastathā|
SPra112.3.0322: valo gaganamūrdhā ca sūcīlomā mahāyaśāḥ|| 32||
SPra112.3.0331: asilomā pralambaśca śambhurdevāntakastathā|
SPra112.3.0332: mahiṣo bhīmasenaśca Dagnote vāyurāditya eva ca†|| 33||
SPra112.3.0341: āṭirbakaśca vātaśca kuṇḍalo muṇḍa eva ca|
SPra112.3.0342: sālvo drumaśca jambhaśca mahāketuśca kāmapaḥ|| 34||
SPra112.3.0351: kapālī śoṣaṇaścaiva haṃsaḥ Dagnote viśvajayastathā|
SPra112.3.0352: ardhamattaśca vāyuśca kalinaḥ phala eva ca|
SPra112.3.0353: ulkako bandhakaścaiva†s madhuḥ kaiṭabha eva ca|| 35||
SPra112.3.0361: anye mahābalāḥ śūrā asurā devakaṇṭakāḥ|
SPra112.3.0362: andhakānucarā vyāsa mandaraṃ samupāgatāḥ|| 36||
SPra112.3.0371: te śastravanto jitakāśinaśca  mahābalādharmapathasthitāśca|
SPra112.3.0372: sarve ca śūrā anivartinaśca sahāndhakā mandaragā babhūvuḥ|| 37||
SPra112.3.0380: sanatkumāra uvāca|
SPra112.3.0381: tadgajānāmiva kulaṃ mattānāṃ kālinandana|
SPra112.3.0382: varṣatāmiva meghānāṃ saviṣāṇāṃ sarīsṛpām|| 38||
SPra112.3.0391: darpitānāṃ varāhāṇāṃ bahūnāmiva colbaṇam|
SPra112.3.0392: mandare dānavakulaṃ tathā tatpracacāra ha|| 39||
SPra112.3.0401: so 'ndhako vicaraṃstatra sakhībhiḥ saha pārvatīm|
SPra112.3.0402: apaśyaddānavaḥ krūraḥ śvapāko brāhmaṇīmiva|| 40||
SPra112.3.0411: sa paśyanneva kāleya hiraṇyākṣasutastadā|
SPra112.3.0412: āviṣṭaḥ kalinā yogāddānavānāmapaśyatām|| 41||
SPra112.3.0421: niyatyātha kṛtāntena mṛtyunā madanena ca|
SPra112.3.0422: kopenātha durātmāsau kāle prāpte suretaraḥ|| 42||
SPra112.3.0431: adhyāsitastadā taistu sarvairlokavaśaṃkaraiḥ|
SPra112.3.0432: lokadhātrīṃ prati śubhāmidaṃ vacanamabravīt|| 43||
SPra112.3.0440: andhaka uvāca|
SPra112.3.0441: keyaṃ sumadhyamā tanvī rūpeṇāpratimā śubhā|
SPra112.3.0442: nedṛśī dṛṣṭapūrvā me kadācidapi dānavāḥ|
SPra112.3.0443: divi vā bhuvi vā satyaṃ paśyataināṃ sumadhyamām|| 44||
SPra112.3.0451: iyaṃ yadi na me bhāryā kasyāhaṃ patirīśvaraḥ|
SPra112.3.0452: ko vāhaṃ kiṃ ca jīvāmi satyametadvaco mama|| 45||
SPra112.3.0461: yasyeyaṃ yuvatī bhāryā cārucitrāyatekṣaṇā|
SPra112.3.0462: svargavāsena kiṃ tasya subhagasya mahātmanaḥ|
SPra112.3.0463: mithyārājyamidaṃ rājyaṃ yasyeyaṃ me na kāminī|| 46||
SPra112.3.0471: bahūni strīsahasrāṇi mama santi śubhāni ca|
SPra112.3.0472: tāni sarvāṇi dāsītve asyāstulyāni dānavāḥ|| 47||
SPra112.3.0480: sanatkumāra uvāca|
SPra112.3.0481: tasya tadvacanaṃ śrutvā hiraṇyakaśipoḥ sutaḥ|
SPra112.3.0482: uvācāndhakamāśliṣya bahucitraṃ ca kālija|| 48||
SPra112.3.0490: prahlāda uvāca|
SPra112.3.0491: iyaṃ lokasya jananī himavattanayāvyayā|
SPra112.3.0492: umeti loke vikhyātā tapoyogabalānvitā|| 49||
SPra112.3.0501: yasya putro 'bhavadbrahmā prājāpatyaṃ ca yo dadau|
SPra112.3.0502: vareṇa yaśca putrasya putratāṃ brahmaṇo gataḥ|| 50||
SPra112.3.0511: asmākaṃ devatānāṃ ca yo varāṃstoṣito dadau|
SPra112.3.0512: ārādhyaḥ sarvalokānāṃ devānāṃ ca mahāyaśāḥ|| 51||
SPra112.3.0521: icchayā sarvamāviśya nimeṣārdhena saṃkṣipet|
SPra112.3.0522: sṛjedvāpi grasedvāpi yogamāsthāya lolupa|| 52||
SPra112.3.0531: yasyāṣṭatanubhiḥ sarvaṃ dhāryate jagadavyayam|
SPra112.3.0532: tasya rudrasya śarvasya patnīyaṃ dānaveśvara|| 53||
SPra112.3.0541: iyamapratiyogitvādapacāraiḥ pramarditum|
SPra112.3.0542: śaktā hīyaṃ jagatsarvaṃ kṣaṇenaivāsureśvara|| 54||
SPra112.3.0551: dagdhuṃ vāpyatha hantuṃ vā kṣeptuṃ naraka eva vā|
SPra112.3.0552: neha labhyā tvayā devī Dagnotes sthānādeva bahiryathā†s || 55||
SPra112.3.0560: sanatkumāra uvāca|
SPra112.3.0561: prahlādavacanaṃ śrutvā vyākulasya mahātmanaḥ|
SPra112.3.0562: adṛśyāḥ samapadyanta tāḥ striyo lokamātaraḥ|| 56||
SPra112.3.0571: atha te tāsu naṣṭāsu mandarasya śubhaṃ vanam|
SPra112.3.0572: pādacāreṇa saṃprāptā bahudṛśyasamāvṛtam|| 57||
SPra112.3.0581: balābhiḥ kadalīṣaṇḍaiḥ priyaṅgusātimuktakaiḥ|
SPra112.3.0582: campakairbakulairlodhrairaśokairnāgakesaraiḥ|| 58||
SPra112.3.0591: punnāgaistilakaiścaiva devadāruvanairapi|
SPra112.3.0592: saralairnārikelaiśca padmaṣaṇḍaiśca śobhitam|| 59||
SPra112.3.0601: gahvaraiśca nitambaiśca guhābhirnirjharairapi|
SPra112.3.0602: na tasmādramaṇīyaṃ hi pṛthivyāṃ vidyate kvacit|| 60||
SPra112.3.0611: tatra te vicarantastu ekasminnirjhare sthitān|
SPra112.3.0612: saptarṣīṃstapasā śuddhānapaśyanta mahāmunīn|| 61||
SPra112.3.0621: upaviṣṭāñchilāpaṭṭe kathayanto mahāmunīn|
SPra112.3.0622: dharmayuktāḥ kathāścitrā dhārmikāśca sukhāvahāḥ|| 62||
SPra112.3.0631: tāndṛṣṭvā te 'surāstatra apṛcchanta parasparam|
SPra112.3.0632: ka ime ṛṣayo hyatra kimarthaṃ ceha saṃgatāḥ|| 63||
SPra112.3.0641: tānuvāca tadā dhīmānasurāndevakaṇṭakān|
SPra112.3.0642: hiraṇyakaśipoḥ putro buddhvā madhye samāsthitaḥ|| 64||
SPra112.3.0650: prahlāda uvāca|
SPra112.3.0651: ete cātra mahātmāno munayaḥ sapta saṃgatāḥ|
SPra112.3.0652: bhṛguratrirmarīciśca viśvāmitro 'ṅgirāstathā|| 65||
SPra112.3.0661: bharadvājo vasiṣṭhaśca saptaite ṛṣayaḥ śubhāḥ|
SPra112.3.0662: ihāgatā mahātmānastapasā dagdhakilbiṣāḥ|| 66||
SPra112.3.0671: naiṣāṃ niṣkāraṇaṃ manye mandarāgamanaṃ prati|
SPra112.3.0672: tato vayamihaikānte sthitāḥ sarve 'sureśvarāḥ|| 67||
SPra112.3.0681: jānīmaḥ kimime kāryamiha kurvanti sādhavaḥ|
SPra112.3.0682: ete vai nibhṛtā bhūtvā tūṣṇīṃ kṛtvā mahābalāḥ|| 68||
SPra112.3.0690: sanatkumāra uvāca|
SPra112.3.0691: tataste samayaṃ kṛtvā sthitā asurapuṃgavāḥ|
SPra112.3.0692: yo 'smākaṃ tu vadetkiṃcidvadhyo naḥ sa bhavediti|| 69||
SPra112.3.0701: tatra teṣu sthiteṣvevamasureṣu durātmasu|
SPra112.3.0702: ṛṣayaste tapoyuktā idamūcuḥ parasparam|| 70||
SPra112.3.0711: ayaṃ deśo hyaśuddho 'dya gacchāmo vayamanyataḥ|
SPra112.3.0712: bhavānyapi gatānyatra asurāṇāṃ bhayārditā|| 71||
SPra112.3.0721: asurāste durātmāno yeṣāmeṣa kṣayo dhruvaḥ|
SPra112.3.0722: gatāste nidhanaṃ sarve dharmaṃ ye nāśayantyuta|| 72||
SPra112.3.0731: rājyārthaṃ prayataiḥ krūrairna dharmo nāśito bhavet|
SPra112.3.0732: naiva te nidhanaṃ sarve prāptāḥ syuramaradviṣaḥ|| 73||
SPra112.3.0741: svarājyaparisaṃtuṣṭā bhaveyuryadi saṃsthitāḥ|
SPra112.3.0742: te 'pi sarveṣu lokeṣu babhuḥ pūjyāḥ surā iva|| 74||
SPra112.3.0750: sanatkumāra uvāca|
SPra112.3.0751: aṅgirāstānuvācedaṃ na teṣāṃ kāmitastviha|
SPra112.3.0752: rājyahetoḥ pravṛttānāmadharmaḥ samupasthitaḥ|| 75||
SPra112.3.0761: upārjayati rājyaṃ vai dharma eva hi kāmitaḥ|
SPra112.3.0762: so 'dharmaṃ naiva kurvīta sthairyaṃ rājyasya kiṃcana|| 76||
SPra112.3.0770: atriruvāca|
SPra112.3.0771: adharme rājyamicchanti jayanti yudhi sarvadā|
SPra112.3.0772: no priyāścaiva lokasya bhavanti hatajīvinaḥ|| 77||
SPra112.3.0781: dhārmikāstvacireṇaiva hatvā śatrūnaviklavāḥ|
SPra112.3.0782: rājyeṣu saṃpratiṣṭhante tasmāddharmaṃ samāśrayet|| 78||
SPra112.3.0791: ye tu rājyaṃ balenaiva dharmaṃ tyaktvāśubhe ratāḥ|
SPra112.3.0792: icchanto 'pi na tadrājyaṃ prāpnuvanti kadācana|| 79||
SPra112.3.0801: atha yatprāpyate rājyaṃ taistu krūreṇa karmaṇā|
SPra112.3.0802: na ciraṃ tadbhavetteṣāṃ vidviṣṭāśca bhavantyuta|| 80||
SPra112.3.0810: bhṛguruvāca|
SPra112.3.0811: dharma eva purā prokto hyasurāṇāṃ bhayāpahaḥ|
SPra112.3.0812: brahmaṇā svastikāmena na ca te vartayantyuta|| 81||
SPra112.3.0821: svabhāvena ca te sarve dāruṇā vai nisargataḥ|
SPra112.3.0822: dāruṇābhijanāścaiva tatkarma samupāśritāḥ|| 82||
SPra112.3.0830: sanatkumāra uvāca|
SPra112.3.0831: asurānprati teṣāṃ tu kathāṃ kathayatāṃ tadā|
SPra112.3.0832: āgāddhātā vidhātā ca kṛtāntaśca trayaḥ samāḥ|| 83||
SPra112.3.0841: tāṃste saṃpūjya vidhivatparasparamatiprabhāḥ|
SPra112.3.0842: upaviṣṭāḥ śilāsveva munayo 'pi ca te trayaḥ|| 84||
SPra112.3.0851: upaviṣṭāṃścarṣayastānāmāntrya bahumānataḥ|
SPra112.3.0852: ūcuḥ kasmādbhavanto 'dya prasthitā lokacintakāḥ|| 85||
SPra112.3.0860: dhātovāca|
SPra112.3.0861: brahmalokādapāvṛttā vayamabhyāgatā dvijāḥ|
SPra112.3.0862: brahmaṇā samanujñaptāḥ kaśyapasya tato 'ntikam|| 86||
SPra112.3.0871: bhūyo 'pi munayaḥ procuḥ kimuktaḥ kaśyapo dvijaḥ|
SPra112.3.0872: tato 'bravīnmunīndhātā kaśyapaṃ tu yaduktavān|| 87||
SPra112.3.0881: yattvayā jñāpito brahmanbrahmā lokapitāmahaḥ|
SPra112.3.0882: asurā api me putrā devāścāpi priyāḥ prabho|| 88||
SPra112.3.0891: teṣāṃ naiva yathānyonyaṃ vairaṃ syāllokabhāvana|
SPra112.3.0892: tathā kuru suraśreṣṭha bhaveyaṃ nirvṛtastataḥ|| 89||
SPra112.3.0901: tatrāhaṃ brahmaṇājñapto bravīmi tvāṃ mahāmune|
SPra112.3.0902: devāsuraṃ yathāvṛttamanyonyaṃ sakhyameva ca|
SPra112.3.0903: amṛtotpādanaṃ caiva rājyasaṃsthāṃ ca kṛtsnaśaḥ|| 90||
SPra112.3.0911: tvadarthaṃ bhagavānsarvaṃ bhaviṣyamṛṣisattama|
SPra112.3.0912: kathayāmāsa lokeśo devāsuraviceṣṭitam|| 91||
SPra112.3.0921: nivedya tasya tatsarvaṃ brahmaṇā preṣitā vayam|
SPra112.3.0922: ihāgatā bhagavatīṃ draṣṭuṃ himagireḥ sutām|| 92||
SPra112.3.0931: tāneva devatānbhūya ṛṣayaste tapodhanāḥ|
SPra112.3.0932: papracchurniyatātmānaḥ sarva eva tadā mune|| 93||
SPra112.3.0941: devāsurāṇāṃ yadvṛttaṃ bhaviṣyaṃ kathitaṃ surāḥ|
SPra112.3.0942: tadvayaṃ śrotumicchāmo yadi vo 'nugrahe matiḥ|| 94||
SPra112.3.0951: kiṃ ca vijñāpitā devī yuṣmābhiḥ surasattamāḥ|
SPra112.3.0952: kathayadhvaṃ hi tatsarvaṃ yadyanugrāhyatā hi naḥ|| 95||
SPra112.3.0961: teṣāṃ tadvacanaṃ śrutvā tataste surasattamāḥ|
SPra112.3.0962: Dagnote athācaṣṭa kṛtānto hi vākyaṃ vākyaviśāradān†|| 96||
SPra112.3.0971: tataḥ sa teṣāṃ bahucitrakāraṇaṃ yathābhaviṣyaṃ kathayāṃcakāra|
SPra112.3.9999: iti skandapurāṇe saptarṣisamāgamo nāmādhyāyaḥ|| 112-3||