Skandapurāṇa Adhyāya 112: R and A recensions, sub-chapter 1

E-text generated on July 20, 2022 from the original TeX files of: Bisschop, Peter C. and Yuko Yokochi, eds. The Skandapurāṇa. Vol. V. Adhyāyas 96-112. The Varāha Cycle and the Andhaka Cycle Continued. Critical Edition with an Introduction & Annotated English Synopsis, in cooperation with Sanne Dokter-Mersch and Judit Törzsök. Leiden: Brill, 2021. (SP V) https://brill.com/view/title/59532

SPra112.1.0010: sanatkumāra uvāca|
SPra112.1.0011: tataḥ sā himavatputrī sāvitrīṃ vai śubhānanām|
SPra112.1.0012: papraccha brahmaṇaḥ patnīṃ vyāsa tāṃ vedamātaram|| 1||
SPra112.1.0020: devyuvāca|
SPra112.1.0021: aho vaḥ sumahāndharmaḥ śrūyate 'tisubhāsvaraḥ|
SPra112.1.0022: śravaṇādeva pūtaḥ syādyasya martyo na saṃśayaḥ|| 2||
SPra112.1.0031: idaṃ tu śrotumicchāmi vrataṃ strīṇāṃ tu yadbhavet|
SPra112.1.0032: anenaiva carandevi dharmeṇa samatāṃ labhet|
SPra112.1.0033: phalaṃ tu yadbhavetstrīṇāṃ mahākarmaphalaṃ tathā|| 3||
SPra112.1.0040: sāvitryuvāca|
SPra112.1.0041: putryekā brahmaṇaḥ khyātā śatarūpeti nāmataḥ|
SPra112.1.0042: brahmāṇamupasaṃgamya āha yattannibodhata|| 4||
SPra112.1.0050: śatarūpovāca|
SPra112.1.0051: bhagavañchrotumicchāmi strīṇāṃ dharmavidhiṃ śubham|
SPra112.1.0052: yena bhartuḥ priyā sā syātpriyo bhartā ca suvrata|| 5||
SPra112.1.0061: na ca duḥkhaṃ prapaśyeta avaidhavyasamanvitā|
SPra112.1.0062: putrāṃśca sumahāvīryāñjanayeta mahāguṇān|| 6||
SPra112.1.0071: śvaśrūśvaśurayoścāpi iṣṭā bahumatā bhavet|
SPra112.1.0072: rūpayauvanasaṃpannā sādhvī patimanuvratā|| 7||
SPra112.1.0081: prāpnoti sadṛśaṃ caiva sarvakāmapradaṃ patim|
SPra112.1.0082: svakarmanirataṃ dāntaṃ sarvalokanamaskṛtam|| 8||
SPra112.1.0090: brahmovāca|
SPra112.1.0091: śṛṇu putri mahādharmaḥ strīṇāṃ śreṣṭho yathā bhavet|
SPra112.1.0092: yena sā vartamānāpi pratyavāyaṃ na vindati|| 9||
SPra112.1.0101: patiśuśrūṣaṇaṃ mūlaṃ strīṇāṃ dharmaḥ sanātanaḥ|
SPra112.1.0102: tasya caivānurodhena anyo dharmaḥ pravartate|| 10||
SPra112.1.0111: idaṃ nāma kariṣye 'haṃ yadi svāminmataṃ tava|
SPra112.1.0112: tena sā samanujñātā tataḥ kuryātsamāhitā|
SPra112.1.0113: kurvatī tasya śuśrūṣāṃ tanmanāḥ tatsalakṣaṇā|| 11||
SPra112.1.0121: kumāryapi pitā tatra bhrātā mātāpitā tathā| 
SPra112.1.0122: apṛṣṭā dharmakāryeṣu vartate svecchayā na hi|| 12||
SPra112.1.0131: vidhavā yā ca nārī syātsā tu bharturmṛtasya vai|
SPra112.1.0132: sālokyaṃ kāṅkṣamāṇā tu kuryāddharmamatandritā|| 13||
SPra112.1.0141: ato 'nyathā tu yā kuryānmohaduṣṭā śucismite|
SPra112.1.0142: sā gacchennarakaṃ ghoraṃ supratiṣṭhaṃ durāsadam|
SPra112.1.0143: rauravaṃ nāma vikhyātaṃ karmaṇā tena śobhane|| 14||
SPra112.1.0151: upavāsaṃ tu nārīṇāṃ trirātrānna paraṃ bhavet|
SPra112.1.0152: ataḥ paraṃ manuṣyāṇāmupavāso vidhīyate|| 15||
SPra112.1.0161: akṣāralavaṇaṃ yā tu māsaṃ māsaṃ samaśnute|
SPra112.1.0162: tasyā rūpaṃ bhaveddivyaṃ patiśca syāttathāvidhaḥ|| 16||
SPra112.1.0171: śiro mārgaśire divyaṃ sunāsaṃ svakṣi caiva hi|
SPra112.1.0172: sugaṇḍaṃ cārudantauṣṭhaṃ sukarṇaṃ suśiroruham|
SPra112.1.0173: sulalāṭaṃ subhru caiva phullarājīvalocanam|| 17||
SPra112.1.0181: pauṣe grīvā praśastā syānmāghe caivāpyuraḥ śubham|
SPra112.1.0182: sukaṇṭhaṃ sandhivaccaiva sarvalakṣaṇasaṃmitam|| 18||
SPra112.1.0191: phālgune ca subāhutvaṃ hastau cāsyāḥ sulakṣaṇau|
SPra112.1.0192: caitre trivalimadhyatvaṃ tanumadhyatvameva ca|
SPra112.1.0193: suśliṣṭanābhitā caiva romarājī ca śobhanā|| 19||
SPra112.1.0201: vaiśākhe jaghanaṃ divyaṃ vistīrṇaṃ pīnameva ca|
SPra112.1.0202: jyaiṣṭhe māsi varorutvaṃ nāganāsorutā tathā|
SPra112.1.0203: sugūḍhagulphatā caiva āṣāḍhe samudāhṛtā|| 20||
SPra112.1.0211: jaṅghe tu śrāvaṇe śreṣṭhe pādau bhādrapade śubhau|
SPra112.1.0212: pṛṣṭhamaśvayuje caiva kārttike kalabhāṣitā|| 21||
SPra112.1.0221: yā tu saṃvatsaraṃ pūrṇaṃ lavaṇaṃ parivarjayet|
SPra112.1.0222: tasyānte mithunaṃ kṛtvā lavaṇena samāhitā|
SPra112.1.0223: guḍābharaṇasaṃyuktaṃ bhājane mṛnmaye śubham|| 22||
SPra112.1.0231: lavaṇasyāḍhakaṃ cāpi guḍasya tu tulā-m-api|
SPra112.1.0232: bījāni caiva sarvāṇi rasāśca vividhāḥ śubhāḥ|| 23||
SPra112.1.0241: añjanīṃ saśalākāṃ ca phalikāṃ rocanopamām|
SPra112.1.0242: kūrcānalaktakaṃ caiva tutthaṃ bilvamathāpi ca|| 24||
SPra112.1.0251: sugandhacūrṇapūrṇaṃ ca tāmbūlaṃ ca sulakṣaṇam|
SPra112.1.0252: siddhārthakāṃstilāṃścaiva kṛtvā sthāpanameva ca|| 25||
SPra112.1.0261: bhakṣāṃśca vividhākārānaikṣavāṃśca supūjitān|
SPra112.1.0262: gandhānsumanasaścaiva vastrayugmaṃ navaṃ dvayam|| 26||
SPra112.1.0271: āsanaṃ ca catuḥśākhaṃ trirātropoṣitā satī|
SPra112.1.0272: kārttikyāmudite hīndāvenaṃ dadyātsadakṣiṇam|| 27||
SPra112.1.0281: suvarṇaṃ rajataṃ caiva kiñcidevātra dāpayet|
SPra112.1.0282: tatastayā sucīrṇaṃ tu vrataṃ bhavati nānyathā|| 28||
SPra112.1.0291: tataḥ surūpatāṃ labdhvā patimāpnoti śobhanam|
SPra112.1.0292: devarūpaṃ mahāsattvamidamanyacchṛṇuṣva ca|| 29||
SPra112.1.0301: anagnipakvaṃ yā nārī kurute vratamuttamam|
SPra112.1.0302: na sā duḥkhamavāpnoti vratenānena śobhane|| 30||
SPra112.1.0311: siṃhavrataṃ tu yā nārī caredeva parāyaṇā|
SPra112.1.0312: tasyā vaśyo bhavedbhartā siṃhaskandho mahābalaḥ|| 31||
SPra112.1.0321: yamavrataṃ tu yā nārī kurute susamāhitā|
SPra112.1.0322: yamaṃ sā hi na paśyeta na vai gaccheta durgatim|| 32||
SPra112.1.0331: arcayettatra yā samyakkāmaṃ kṛtvā hṛdi sthitam|
SPra112.1.0332: sadā naktaṃ ca bhuñjānā sakṛdannaṃ yatā punaḥ|
SPra112.1.0333: sā patiṃ śobhanaṃ prāpya ramyaṃ ca ramate sukham|| 33||
SPra112.1.0341: prasṛtaṃ taṇḍulānāṃ ca yā karoti sadāhnikam|
SPra112.1.0342: sā patiṃ śobhanaṃ prāpya bahūnputrānprajanyate|| 34||
SPra112.1.0351: vratānyetāni sarvāṇi saṃvatsaramaśeṣataḥ|
SPra112.1.0352: kuryātteṣāṃ tadante ca brāhmaṇāṃstarpayedbahūn|| 35||
SPra112.1.0361: tarpayitvā ca piṣṭena kṛtvā tāṃstu vratānpunaḥ|
SPra112.1.0362: sparśayedbrāhmaṇebhyastu tatastatphalamaśnute|| 36||
SPra112.1.0371: brāhmaṇī tu vratānetānsvasmai patye pradāpayet|
SPra112.1.0372: itareṣāṃ tu varṇānāṃ niyamo nāsti kaścana|| 37||
SPra112.1.0381: yā tu saṃvatsaraṃ kuryādbharturuccheṣabhojanam|
SPra112.1.0382: na sā yonyantaraṃ prāpya patimanyaṃ samaśnute|| 38||
SPra112.1.0391: yā tu kṛtvā hṛdisthaṃ vai patiṃ patimanuvratā|
SPra112.1.0392: devavaccārcayennityaṃ kiṃ tasyāstapasā punaḥ|| 39||
SPra112.1.0401: tasyāmeva vratā nityaṃ tena bhāvena toṣitāḥ|
SPra112.1.0402: sarvānkāmānprayacchanti dhanamāyuryaśo balam|| 40||
SPra112.1.0411: aṣṭamīṃ candrakalpaṃ yā carate devarūpiṇam|
SPra112.1.0412: sā tu saumyamavāpnoti patiṃ sarvaguṇairyutam|| 41||
SPra112.1.0421: etānyeva vratānīha māsikāni śucismite|
SPra112.1.0422: cīrṇāni bhogaṃ paśyanti dvādaśāhasya karmaṇaḥ|| 42||
SPra112.1.0431: māsi bhādrapade yā tu kālarātrimupāsate|
SPra112.1.0432: kālarātraṃ na sā paśyedvimucyeta Dagnotes samā satī†s || 43||
SPra112.1.0441: varṣāvrataṃ tu yā kuryātprathame vṛṣṭisarjane|
SPra112.1.0442: sā vṛṣṭiriva lokasya bharturbhavati vai priyā|| 44||
SPra112.1.0451: bahvapatyavrataṃ yā tu carate māsamantataḥ|
SPra112.1.0452: putrapautravṛtā sā tu jāyate duḥkhavarjitā|| 45||
SPra112.1.0461: sarveṣāmeva dharmāṇāṃ kāryo dharmo na kaścana|
SPra112.1.0462: śreṣṭhaḥ pativratādanyaḥ satyametadbravīmi te|| 46||
SPra112.1.0471: eṣa dharmaḥ samākhyāto nārīṇāṃ surapūjitaḥ|
SPra112.1.0472: ācarasva mahābhāge yathāśaktyā suniścitam|| 47||
SPra112.1.0481: śatarūpā praṇamyaiva tathaiva punareva ca|
SPra112.1.0482: ācacāra tadā dharmaṃ tataḥ sā śubhalakṣaṇā|| 48||
SPra112.1.0491: - - - - - - - -  - - - - - - - -|
SPra112.1.0492: cintayitvā tadātmānaṃ punarevābhavatsthitā|| 49||
SPra112.1.0501: tāmindubimbānanatejasaṃ śivāmabhāsata vyākulamāyatākṣyaḥ|
SPra112.1.0502: niśāmiva kṣīṇadivākaragrahāṃ nirīkṣya sakhyaḥ sucireṇa vismitāḥ|| 50||
SPra112.1.9999: iti skandapurāṇe dvādaśottaraśate 'dhyāye strīvratam|| 112-1||