Skandapurāṇa Adhyāya 90

E-text generated on February 12, 2019 from the original TeX files of: Peter C. Bisschop and Yuko Yokochi, eds. The Skandapurāṇa. Vol. IV. Start of the Skanda and Andhaka Cycles. Critical Edition with an Introduction & Annotated English Synopsis, in cooperation with Diwakar Acharya and Judit Törzsök. Leiden/Boston: Brill, 2018.

SP0900010: sanatkumāra uvāca|
SP0900011: tadeva sainyaṃ saṃdṛśya daityadānavayūthapaiḥ|
SP0900012: vadhyamānaṃ bhṛśaṃ vyāsa vyādhairiva mṛgānvane|| 1||
SP0900021: timirārirmahātejāḥ somaḥ praharatāṃ varaḥ|
SP0900022: sitavarmā suśītārciḥ svayaṃ pavanasārathiḥ|| 2||
SP0900031: tau baddhakavacau samyakśarāsanadharāvubhau|
SP0900032: baddhagodhāṅgulitrau ca tathā baddheṣudhī ca tau|| 3||
SP0900041: sakhaḍgau ca saghaṇṭau ca sapatākau gajāviva|
SP0900042: ubhau vīrau mahāvīryau yoddhuṃ daityānvyavasthitau|| 4||
SP0900051: somastu daśabhistīkṣṇaiḥ sāyakairmarmabhedibhiḥ|
SP0900052: vivyādha hṛdaye daityaṃ hiraṇyākṣaṃ mahāsuram|| 5||
SP0900061: sa bhinnahṛdayo daityaḥ somena dṛḍhamuddhataḥ|
SP0900062: mohaṃ samāviśadvyāsa krauñcaḥ śaktyeva parvataḥ|| 6||
SP0900071: taṃ tathābhisamīkṣyaiva rathayantā mahāsuram|
SP0900072: apovāha mahāmāyaṃ dhaneśaṃ nidhayo yathā|| 7||
SP0900081: tato hāhākṛtaṃ daityairdevataiḥ sādhu sādhviti|
SP0900082: gṛhṇa gṛhṇeti daityaiśca mā gṛhṇeti ca devataiḥ|| 8||
SP0900091: tato bheryaśca śaṅkhāśca paṇavā goviṣāṇikāḥ|
SP0900092: avādyanta surāṇāṃ vai harṣarāgapravartanāḥ|| 9||
SP0900101: athāndhakaśca tāraśca tārako namucistathā|
SP0900102: vipracittiḥ śambaraśca mahāmāyaśca dānavaḥ|| 10||
SP0900111: dhundhuḥ kārtasvanaścaiva rāhuścaiva mahāsvanaḥ|
SP0900112: śataketuḥ śatāvartaḥ pulomā pilvalastathā|| 11||
SP0900121: vātāpī kālanemiśca śatāvartaḥ śatodaraḥ|
SP0900122: mahāpārśvo hradaścaiva muṣuṇḍaḥ suṇḍa eva ca|| 12||
SP0900131: durlomā ca kabandhaśca virādho rādha eva ca|
SP0900132: marīcaśca subāhuśca śvetakuṇḍalireva ca|| 13||
SP0900141: vṛṣaparvātikāyaśca śarabhaḥ siṃha eva ca|
SP0900142: narāntako devahanastathā yajñahanaśca yaḥ|| 14||
SP0900151: daityau sundanisundau ca śakratāpana eva ca|
SP0900152: prahlādaścānuhlādaśca śinirbāṣkala eva ca|| 15||
SP0900161: virocano balirbāṇo vātaśca sumahābalaḥ|
SP0900162: mayo 'tha tārakākṣaśca vidyunmālī prabhākaraḥ|| 16||
SP0900171: dundubhirmahiṣaścaiva ariṣṭo riṣṭa eva ca|
SP0900172: keśī ca dhenukaścaiva ajako vyaṃsa eva ca|| 17||
SP0900181: tathā gaganamūrdhnā ca asilomā ca dānavaḥ|
SP0900182: sūcīlomā tuhuṇḍaśca huṇḍaśca paratāpanaḥ|| 18||
SP0900191: hastī duryodhanaścaiva vipākaḥ pāka eva ca|
SP0900192: valo muro 'tha narako mūkendradamanāvapi|| 19||
SP0900201: aśvagrīvaḥ śambaraśca tathāyaḥ kālaśambaraḥ|
SP0900202: sālvaḥ śatabhujaścaiva drumo vyāghraśca dānavaḥ|| 20||
SP0900211: madhuśca kaiṭabhaścaiva mahākavaca eva ca|
SP0900212: chāyāgrāhaśca vikhyātaḥ saiṃhikeyāśca viśrutāḥ|| 21||
SP0900221: hālāhalāśca te sarve baliputrāśca viśrutāḥ|
SP0900222: tathā mayasutāḥ sarve nivātakavacāśca ye|
SP0900223: paulomāḥ kālakeyāśca vipracittisutāstathā|| 22||
SP0900231: ete cānye ca bahavo daityadānavasaṃmatāḥ|
SP0900232: sarve candramasaṃ devaṃ prati vegaṃ pracakrire|| 23||
SP0900241: mahiṣā iva śārdūlaṃ hastinaḥ śarabhaṃ yathā|
SP0900242: vighnā yatavrataṃ yadvatkāmā mokṣāśritaṃ yathā|| 24||
SP0900251: indriyārthā yathā yogamanarthā iva duḥkhitam|
SP0900252: nāgā iva garutmantaṃ bhramarā iva pādapam|| 25||
SP0900261: tathā te dānavāḥ sarve pragṛhītavarāyudhāḥ|
SP0900262: dudruvuḥ śaśinaṃ devaṃ mahājaladanisvanāḥ|| 26||
SP0900271: teṣāmāpatatāṃ vyāsa timirārirhasanniva|
SP0900272: udyatānyāyudhāni sma śaraiściccheda sarvaśaḥ|| 27||
SP0900281: tata enānpunardevaḥ sarvāneva ruṣānvitaḥ|
SP0900282: hṛdayeṣu śaraistīkṣṇairbibheda ca rarāsa ca|| 28||
SP0900291: tuṣāreṇa ca śītena tārādhipatiravyayaḥ|
SP0900292: ājaghānāsurānsarvānkrodhasaṃraktalocanaḥ|| 29||
SP0900301: te śaraiśca vinirbhinnāḥ śītena ca bhṛśārditāḥ|
SP0900302: sthitāstatraiva daityendrāścitrapaṭṭārpitā iva|| 30||
SP0900311: candro 'pi devaḥ samare maṇḍalīkṛtakārmukaḥ|
SP0900312: bibheda sarvāndaityendrānnardamānaḥ payodavat|| 31||
SP0900321: yaḥ kaściddānavo vāpi daityo vā munisattama|
SP0900322: sarva eva śarāṃstasya dadhire śaśinastathā|| 32||
SP0900331: yatkiṃciccālayatyaṅgaṃ tatra daityaḥ kadācana|
SP0900332: tattattīkṣṇaiḥ śarairdevo bibheda ca rarāsa ca|| 33||
SP0900341: bruvato daityayodhasya yatra kvacana saṃyuge|
SP0900342: nicakhāna śarānaṣṭau mukhe tasyāpi candramāḥ|| 34||
SP0900351: niṣpandāste sthitāḥ sarve mūkavaccāsurottamāḥ|
SP0900352: śaranirbhinnasarvāṅgāścitrapaṭṭārpitā iva|| 35||
SP0900361: yathā sa bhagavāndevaścandramā dānavārdanaḥ|
SP0900362: tathaiva bhagavānvahnirardayaddānavānyudhi|| 36||
SP0900371: tadrathāśvagajayodhasaṃkulaṃ prakṣaradrudhirabinduvihvalam|
SP0900372: sīdate gajakulopamaṃ balaṃ paṅkalagnamiva sarvamulbaṇam|| 37||
SP0909999: iti skandapurāṇe navatitamo 'dhyāyaḥ||