Skandapurāṇa Adhyāya 85

E-text generated on February 12, 2019 from the original TeX files of: Peter C. Bisschop and Yuko Yokochi, eds. The Skandapurāṇa. Vol. IV. Start of the Skanda and Andhaka Cycles. Critical Edition with an Introduction & Annotated English Synopsis, in cooperation with Diwakar Acharya and Judit Törzsök. Leiden/Boston: Brill, 2018.

SP0850010: sanatkumāra uvāca|
SP0850011: vipracittirmahāmāyo vāyuṃ bahubhirāśugaiḥ|
SP0850012: avākiraddanusuto vṛṣṭyeva hi jalapradaḥ|| 1||
SP0850021: saṃchādayaṃstadā vyoma maṇḍalīkṛtakārmukaḥ|
SP0850022: iṣūṃścikṣepa tīkṣṇāgrāñchalabhānsāgaro yathā|| 2||
SP0850031: dhārā balāhakādyadvajjyotsnā candramaso yathā|
SP0850032: raśmayo bhāskarācceva himaṃ himagireriva|| 3||
SP0850041: tathā te śarasaṃghātā dhanuṣo maṇḍalīkṛtāt|
SP0850042: vipracitterviniṣpetustīkṣṇāgrā marmabhedinaḥ|| 4||
SP0850051: bhāskaraṃ chādayānāṃstāñcharānāpatato balāt|
SP0850052: bhagavānanilo vegādasureṣu nyapātayat|| 5||
SP0850061: taiḥ śaraistasya daityasya dānavā bahuśo hatāḥ|
SP0850062: bhinnāśca niṣṭanantyurvyāṃ nirayasthā yathā narāḥ|| 6||
SP0850071: tāṃstathā nihatāndṛṣṭvā vipracittirmahāsuraḥ|
SP0850072: avaprutya rathādvāyorbāhuyuddhamayudhyata|| 7||
SP0850081: tasya yuddhaprasaktasya vāyorbalamavardhata|
SP0850082: amanyanta surāścainaṃ nigṛhītaṃ danoḥ sutam|| 8||
SP0850091: athotpatya tadā vegādgadayā pavanaṃ dṛḍham|
SP0850092: atāḍayaddhiraṇyākṣo gaṇḍadeśe mahābalaḥ|| 9||
SP0850101: sa tena suprahāreṇa jaḍaḥ samabhavattadā|
SP0850102: pratyapadyanna kiṃcicca tata enaṃ sa dānavaḥ|
SP0850103: parityajya yayau tūrṇamanyadeśaṃ mahābalaḥ|| 10||
SP0850111: aṃśaśambarayoścāpi sumahanmunisattama|
SP0850112: yuddhaṃ samabhavadghoraṃ draṣṭṝṇāṃ tuṣṭivardhanam|| 11||
SP0850121: aṃśo 'syāpatatastūrṇaṃ śambarasya mahābalaḥ|
SP0850122: darśayaṃl lāghavaṃ samyagdhvajaṃ ciccheda kāñcanam|| 12||
SP0850131: dhanuśca pañcadhā kṛtvā hayānninye yamakṣayam|
SP0850132: tato 'sya sāratheḥ kāyācchiro bhūmāvapātayat|
SP0850133: bhūya enaṃ catuḥṣaṣṭyā sāyakānāmavidhyata|| 13||
SP0850141: sa māyāṃ tāmasīṃ ghorāṃ samāviśyāśu dānavaḥ|
SP0850142: upalaiścāpi vajraiśca gadābhiḥ parighairapi|| 14||
SP0850151: kaṅkaṭaiḥ karavālaiśca bhindipālairayoghanaiḥ|
SP0850152: jaghāna sarathaṃ devamaṃśaṃ vyāsa raṇājire|| 15||
SP0850161: tamadṛśya samantācca pātayānaṃ mahābhayam|
SP0850162: aṃśo mūḍho raṇaṃ tyaktvā prayayāvanyato bhayāt|| 16||
SP0850171: bhago valaṃ samāsādya rathenāmbudanādinā|
SP0850172: tiṣṭha tiṣṭheti taṃ daityamuktvā vivyādha patriṇā|| 17||
SP0850181: sa sāyakaṃ tamādāya valo 'suramahārathaḥ|
SP0850182: bhagaṃ hastatale tūrṇaṃ nirbibheda rarāsa ca|| 18||
SP0850191: tata enaṃ samāsādya māyayā prahasanniva|
SP0850192: āhatyorasi pādena svarathaṃ punarāvrajat|| 19||
SP0850201: tasya tallāghavaṃ śauryamamūḍhatvaṃ ca vīryatām|
SP0850202: dṛṣṭvā devāsurāḥ sarve sādhu sādhvityapūjayan|| 20||
SP0850211: bhago 'pi lajjayāviśya padā tenāhatastadā|
SP0850212: musalena hayāṃstasya rathaṃ caiva sasārathim|
SP0850213: nāmaśeṣāṃstadā kṛtvā vinanāda yathāmbudaḥ|| 21||
SP0850221: syandanaṃ tu valastyaktvā cūrṇitaṃ sahayaṃ tadā|
SP0850222: bhagasya kārmukaṃ divyaṃ bhūmisthaścicchide balī|| 22||
SP0850231: tata enaṃ pṛṣatkena lalāṭe samatāḍayat|
SP0850232: hastayośca punarvyāsa śarairvivyādha saptabhiḥ|| 23||
SP0850241: gṛhṇataḥ kārmukaṃ cāsya muṣṭideśe valo 'cchinat|
SP0850242: punaścānyatpunaścānyatsa jagrāha dhanurbhagaḥ|| 24||
SP0850251: musalaṃ kālamūlaṃ ca sarvaghātyanalaprabham|
SP0850252: hato 'sīti tamuktvaiva cikṣepa valanāśanam|| 25||
SP0850261: tamāpatantaṃ musalaṃ valo dānavapuṃgavaḥ|
SP0850262: śarairviṣṭambhayāmāsa nandī mṛtyuṃ yathātmanaḥ|| 26||
SP0850271: athāpratihataṃ matvā musalaṃ so 'suraḥ punaḥ|
SP0850272: dhanuṣkoṭyā bhagaṃ mūrdhni balavānsamatāḍayat|| 27||
SP0850281: rathaṃ ca saha sūtena gṛhītvā kūbare punaḥ|
SP0850282: cikṣepa dakṣiṇāmāśāṃ vāyurgirimivārṇave|| 28||
SP0850291: pūṣā virocanaṃ devaḥ śarairbahubhirāśugaiḥ|
SP0850292: vivyādha samare kruddhaḥ sa ca taṃ pratyavidhyata|
SP0850293: saptabhirniśitaistīkṣṇairiṣubhirmarmabhedibhiḥ|| 29||
SP0850301: kruddhaḥ pūṣā tadākṛṣya balavānkārmukaṃ mahat|
SP0850302: jīvitāntakaraṃ ghoraṃ yugāntādityavarcasam|
SP0850303: mumoca ripumuddiśya hatastvamiti cocivān|| 30||
SP0850311: tadāpatantaṃ bahudhā nadantaṃ diśaśca sarvāḥ samabhāvayantam|
SP0850312: ulkāsphuliṅgāśca samudgirantaṃ yayau ripuṃ vegavadunmathantam|| 31||
SP0850321: sa cāpyavaprutya mahāsurendro dṛṣṭvā tamādityasamānabhāsam|
SP0850322: matvāviṣahyaṃ svarathaṃ vihāya viyatsamāviśya tato 'vatasthe|| 32||
SP0850331: tattasya sūtaṃ ca hayopapannaṃ mahārathaṃ sadhvajaśastravaryam|
SP0850332: kṛtvāśu bhasmaiva yathā hutāśano jagāma khaṃ divyamadṛśyavigraham|| 33||
SP0859999: iti skandapurāṇe pañcāśītitamo 'dhyāyaḥ||