Skandapurāṇa Adhyāya 84

E-text generated on February 12, 2019 from the original TeX files of: Peter C. Bisschop and Yuko Yokochi, eds. The Skandapurāṇa. Vol. IV. Start of the Skanda and Andhaka Cycles. Critical Edition with an Introduction & Annotated English Synopsis, in cooperation with Diwakar Acharya and Judit Törzsök. Leiden/Boston: Brill, 2018.

SP0840010: sanatkumāra uvāca|
SP0840011: sa yuddhayajñastatrāgro rājyārthamabhavattadā|
SP0840012: tatra yajvā svayaṃ devaḥ sahasrākṣaḥ pratāpavān|
SP0840013: saha devaiḥ surādhyakṣaḥ kuśāstasya śarā matāḥ|| 1||
SP0840021: āyudhāni vicitrāṇi sruco yairhūyate haviḥ|
SP0840022: haviḥ prāṇāḥ samākhyātā agnirmṛtyurmahāprabhaḥ|| 2||
SP0840031: mantrāścāstrāṇi divyāni puroḍāśāḥ śirāṃsyapi|
SP0840032: somastatra jayo 'bhūcca rudrāścādhvaryavo 'bhavan|| 3||
SP0840041: ādityā bahvṛcaścāsannaudgātraṃ vasubhiḥ kṛtam|
SP0840042: brahmā samabhavaccātra svayaṃ devo bṛhaspatiḥ|| 4||
SP0840051: śāmitre cāśvinau tau tu yajña evaṃ vyavartata|
SP0840052: paśustatrābhavaddaityo hiraṇyākṣaḥ sahānugaiḥ|| 5||
SP0840061: hiraṇyākṣo 'bhavadyajvā daityānāṃ śibirādhipaḥ|
SP0840062: vipracittirabhūddhotā prasthātāraśca dānavāḥ|| 6||
SP0840071: udgātā caiva prahlādaḥ śukro brahmā ca suvrataḥ|
SP0840072: paśurindraḥ sahasrākṣa evaṃ so 'yajadavyayaḥ|| 7||
SP0840081: tasmiṃstadā mahāyajñe vartamāne bhayāvahe|
SP0840082: indraḥ samāsadaddaityaṃ hiraṇyākṣaṃ mahābalam|
SP0840083: vāyurabhyāyayau tūrṇaṃ vipracittiṃ mahābalaḥ|| 8||
SP0840091: sakto 'ṃśaḥ śambareṇāśu valena bhaga eva ca|
SP0840092: virocanena pūṣā ca mitro balimathāsajat|| 9||
SP0840101: bāṇena varuṇaḥ sārdhamandhakena yamaḥ saha|
SP0840102: jayantenelvalaḥ sārdhaṃ mayena saha candramāḥ|| 10||
SP0840111: ahirbudhnena rāhuśca kāpālī śataketunā|
SP0840112: ajaikapātkālanemiṃ jvaraḥ kārtasvanena ca|| 11||
SP0840121: prahlādenāryamā sārdhamanuhlādena vai dharaḥ|
SP0840122: dhruvo hradena saṃsakto hyanye cānyairmahābalāḥ|| 12||
SP0840131: hiraṇyākṣastathendrasya dṛḍhamāyamya kārmukam|
SP0840132: vivyādha gajamekena kumbhadeśe mahābalaḥ|| 13||
SP0840141: devendraṃ pañcabhirbāṇairjatrudeśe samāhanat|
SP0840142: ṣaḍbhirlalāṭe vivyādha gajaṃ bhūyaśca saptabhiḥ|| 14||
SP0840151: sa gajastaiḥ śarairbhinnaḥ kṣaradrudhira ābabhau|
SP0840152: gairikāmbuparisrāvī śvetaḥ parvatarāḍiva|| 15||
SP0840161: tasya kruddhastadā śakro vajreṇa śataparvaṇā|
SP0840162: prahāramadadadvyāsa gaṇḍadeśe nanāda ca|| 16||
SP0840171: sa vajraghātaṃ daityendraḥ puṣpaghātamivorjitaḥ|
SP0840172: acintayānaḥ sagajaṃ śakramevārdayadbalī|| 17||
SP0840181: gajo 'pi tena nirbhinnaḥ śarairbahubhirujjvalaiḥ|
SP0840182: haviṣevānalaḥ krodhātprajajvāla jagarja ca|| 18||
SP0840191: sa vegaṃ mahadāsthāya aṅkuśena ca coditaḥ|
SP0840192: hiraṇyākṣarathaṃ tūrṇaṃ jagrāha rathakūbare|| 19||
SP0840201: gṛhītvā sa tadotkṣipya cikṣepa gajasattamaḥ|
SP0840202: meruśṛṅgamivotkṣipya sameghaṃ śvetakuṇḍalī|| 20||
SP0840211: gatvā muhūrtaṃ vegena patadrathavaro babhau|
SP0840212: svarbhānunā hataḥ pūrvaṃ saratho bhāskaro yathā|| 21||
SP0840221: taṃ tu samyaksthitaṃ bhūmau hiraṇyākṣarathaṃ punaḥ|
SP0840222: ājagāma gajastūrṇaṃ jighṛkṣanmunisattama|| 22||
SP0840231: prasāritakaro dantī stabdhadṛkkarṇavāladhiḥ|
SP0840232: abhyadhāvata vegena garutmāniva pannagam|| 23||
SP0840241: tamāpatantaṃ vegena samīkṣyāsurasattamaḥ|
SP0840242: cacāra sa tadā vyomni garutmāniva maṇḍalam|| 24||
SP0840251: taṃ tu maṇḍalamāvṛttaṃ gajo 'pyanu tathaiva hi|
SP0840252: stabdhadṛkkarṇalāṅgūlaḥ prasāritakaro 'bhramat|| 25||
SP0840261: hāhākṛtamabhūtsarvaṃ sādhu sādhviti cobhayoḥ|
SP0840262: balayordevadaityānāṃ mūkavaccābhavatpunaḥ|| 26||
SP0840271: sādhvindreti ca devānāṃ gajeti ca punaḥ punaḥ|
SP0840272: sādhu daityeti cānyeṣāṃ hiraṇyākṣeti caiva hi|| 27||
SP0840281: sa gajaskandhago bhāti bhramansuragaṇeśvaraḥ|
SP0840282: sapakṣamiva śailendramahimo 'gniḥ samāsthitaḥ|| 28||
SP0840291: hiraṇyākṣaśca saratho bhramanbhāti mahāsuraḥ|
SP0840292: garutmantamivāsthāya raṇe kṛṣṇo mahābalaḥ|| 29||
SP0840301: yudhyamānastu daityendro dṛḍhamāyamya kārmukam|
SP0840302: devarājaṃ śaraistīkṣṇaiḥ samantātparyavārayat|| 30||
SP0840311: sa taiḥ śaraistadā vyāsa marmasandhiṣu tāḍitaḥ|
SP0840312: vajreṇa śatadhāreṇa dhanurasya vyaśātayat|
SP0840313: hayānāṃ caiva yoktrāṇi sarvāṇyeva nyakṛntata|| 31||
SP0840321: raśmīṃśca sūtahastasthānpratodaṃ caiva kāñcanam|
SP0840322: ciccheda bahudhā śakraḥ prahasanniva vīryavān|
SP0840323: chinnayoktrāstato 'syāśvāḥ svacchandāḥ saṃpratasthire|| 32||
SP0840331: hiraṇyākṣo 'pyavaprutya gadayā samatāḍayat|
SP0840332: gajaṃ surapatiṃ caiva khaḍgena sa mahāsuraḥ|| 33||
SP0840341: sa gajastena ghātena tyaktvā taṃ rathasattamam|
SP0840342: śakṛnmūtre sṛjanvyāsa prādravadbalavāṃstataḥ|
SP0840343: mardamāno nadaṃścaiva bhrāmayāṇaḥ śirastathā|| 34||
SP0840351: asinābhihataścāpi devarājo mahābalaḥ|
SP0840352: nārtimānabhavatsaṃkhye na cāsya kṣatamābabhau|| 35||
SP0840361: sa dānavendraprahatena dantinā mahābalaḥ prasrutadānagandhinā|
SP0840362: amṛṣyamānaḥ prayayau pramāthinā hiraṇyanetreṇa yudhi prabādhitaḥ|| 36||
SP0849999: iti skandapurāṇe caturaśītitamo 'dhyāyaḥ||